روح البوادي  

العودة   روح البوادي > البوادي الادبيه والثقافيه > القصائد المنقوله - روائع المنقولات الأدبية

إضافة رد
 
أدوات الموضوع
قديم 06 / 05 / 2011, 02 : 07 PM   #1
رسمتگ حلم‏

ღღ مراقبة الأقسام ღღ

 
الصورة الرمزية رسمتگ حلم‏
 
تاريخ التسجيل: 22 / 03 / 2010
الدولة: بعالم أحلامي
المشاركات: 5,057
معدل تقييم المستوى: 883
رسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond repute
48 قصائد و أشعار الشاعر ثامر شبيب الدقباسي

[ALIGN=CENTER][TABLETEXT="width:100%;background-color:black;border:4px groove darkred;"][CELL="filter:;"][ALIGN=center]



قصيدة سلامتك
سلامتك والله يحفظك ويبقيك
ويقبل دعاتك في صلاتك وصومك
ياجعلني ماذوق حزنك ولا ابكيك
يافرحة سنيني عسى الله يدومك
ليت التعب فيني حبيبي ولا فيك
وياليت يومي ينتهي قبل يومك
ودي اضم ايديك واقبل ايديك
وفرش لك ذراعي مخده لنومك
وان قمت من نومك وعيني تراعيك
سولف عن احلامك وعطني علومك
استأذنك لحظه دقايق بخليك
بروح ابشر عالمي في قدومك
في غيبتك احلم اشوفك واحاكيك
سمتني الدنيا بعدك محرومك
ياما تخيلتك بدربي واناديك
واقول : وشفيها تردت عزومك
لك وقت متغير على قلب مغليك
ماكنه الي شال عنك همومك
ابيع من عمري على الناس واشريك
لو باعتك دنياك مارخصت سومك
ماهو على شانك على شان ماضيك
مهما تسوي اعذرك ما الومك
هذا خيالي كل ما مر طاريك
والا الحقيقه عايش ارجي غيومك
اضحك على نفسي اذا قلت مابيك
انت القمر والناس هذي نجومك
حببتني في كل حاجه حواليك
مانيب من قومك واحامي لقومك
ماقول غير الله يحفظك ويبقيك
وياجعل يومي ينتهي قبل يومك
،
قصيدة وغلات ثامر شبيب
أمانة أمك .. وأبوك .. وخالك .. و عمك
أو تدري ..؟؟ اسمع حبيبي ( بيتي الثاني )
وغلات ( ثامر شبيب ) إن كانه يهمك ..؟
ارجع عشان الغلا .. ولا على شاني
ياما تحملت .. حزنك .. ضيقتك .. همك
تعال اخذني من الضيقات وأحزاني
لا مر طيفك ؟ أضمه كني أضمك
الوقت بعدك .. كسر قلبي .. و بكاني
دمي وأحسه مشى في داخله دمك
لو كان ما تلحقك جدان جداني
حبيت أنا (أمك) .. عشان (محبتك لأمك)
لولاك ..؟؟ ما مر طاريها على لساني
كلمة ( أحبك ) صداها غير من فمك
اتصدق..؟؟ (اسمع صداها) وسط وجداني ..!!
ناديتك ف ( بيتي الثاني ) وأنا يمك
قطعت صوتي على صوتك ولا جاني
لكن وصاتي ..؟؟ قبل فرقاك (بلمك)
وأهديك ( بيت النهاية ) واترك الثاني
حبيت أعلمك (حاجه) يمكن تهمك ..؟
أنت (أول إنسان حبيته وخلاني) ..!!


،

قصيدة الحياة الممله
صرنا نتكلم مع بعض بالدقايق
والا قبل ..؟ ناخذ من الليل كله
كنا نمد من الخيال الحقايق
ما نعرف اش تعني الحياة الممله ..؟
كانت سوالفنا لها البال رايق
ما ننتظر من بعضنا أي زله
واليوم أشوفك منت للحال طايق
منت بطبيعي .. داخلك ألف عله
وشفيك صاير تنفعل واتضايق
اللي مضيق خاطرك أنت خله
لو كنت أنا اللي مضايقك بالخلايق
قلها : ( فمان الله ) و دربك تدله
وكانك تحس من بيننا انسان عايق ..؟
احساسك أشهد ما صدق معك والله
لو تفتح الخافق وفيه اتهايق ..؟
تشوف زولك ما معه غير ظله
ارتاح كان انك من الشك ضايق
الدمع لا تسمح لعينك تهله
الحزن ما هو في ملامحك لايق
احجاجك اللي منعقد ضيق فله
قرب و اخذ مني كلام الوثايق
و من مر قدامك على الدرب قله
ان انت حلمي بين كل الخلايق
ما غير حبك ساكن القلب والله ..!
،
قصيدة منت اختياري
تعال وارسم على وجه الزمن بسمه
تعبت من دنيتن فيها الحزن ضيفي
القلب ضاق بجفاك ومل من جسمه
صبرت لين الجفا كسر مجاديفي
صورتك بين الجفن والعين منرسمه
مسهرني طيفك ورى مايسهرك طيفي ؟
احس بحساس صوبك ماعرف شسمه
بس اعرف انه يجيب اشتاي في صيفي
يرضيك اناابكي عليك ان هبت النسمه
وانا الزمن مافرح لحظه بتخويفي
سيفي اخذ من زمانه حقه وقسمه
ومن شفت سهم الهدب سلمت لك سيفي
وان عودت للغلا لا تخاف منحسمه
ركز معي !! وانتبه ؟؟ واسمع لتوصيفي :
غلاك عانه وسم في داخلي وسمه
مكتوب فوق الوسم : (اغلا مواليفي)
منت اختياري ولكن صرت لي قسمه
الله كتب لي احبك ماهو بكيفي
متى على الله ترد وترجع البسمه
مليت من دنيتن فيها الحزن ضيفي
،
قصيدة اسكت
آسكت و خل السوالف للغلا و الحنان
آشتاق .. لا والله إلا آموت لامن طرت
من قال وشلون حالك ؟! قلت طيب و زان
و آنا جروحي تزيد مع الزمن مابرت !
تخيل آنك كبير و لك معزه و شان
إيدك على مدة الخيرات مبطي ضرت
لكن عرفت الليال السود ، و الفقر بان
جرت لك ايام مامرت عليك وجرت
مكانك إللي قبل ملفى الرجاجيل كان
يمر دربه إدباك آقدامها مادرت
خلوك ضايق من الدنيا بنفس المكان !!
قدام عينك تشاهد / و الركايب سرت
بالضبط هذا شعوري يوم قفت عشان .....
تحضر زفافه عليها ! وليتها ماحضرت
آسف إذا قلت شي و حسسك بالهوان ؟!
كاسرني الحب مدري هي فيه كسرت ؟
آبكي عليها و آنا ماني ردي و جبان
آنا آذكر آيامها مهما نست ماذكرت
متعود آسهر معااااها من 3 ل 8
و تضيق و تزعل علي آن نمت ليل سهرت
و اللحين مدري من إللي فيه لياليه خااااان
آخير ماذكر كلام القلب وقت هجرت
مع السلامه ،، ب حفظ الله ياعمري ( فمان )
( الله ) لو آن المصايب من بعدها كثرت
إن جاك منهو يقول الوقت ماله آمان ..
قول البشر للآسف باعت قلوب و شرت !
الناس متغيره ؟ ولا الزمان الزمان !
وجه الزمن ماغدرك .. الناس فيك غدرت !!!
شفني قبل كنت قاسي طبع / واللحين لان
سوالفي عنّها صبرتها ،، ماصبرت !
نشرت قلبي قصايد من مكان ل مكان
يمكن تحس ب خطاها ؟ بالقصيد إن قرت
،
قصيدة كلمت منهو تشتهي نفسك ونمت الاصيله
جتني رسالة لايمتني وانا لمت
نفسي على تقصيرها بالاصيله
مضمون ماقالت : غمت خاطري غمت
بيتين عن كل البيوت الجزيله :
كلمت منهو تشتهي نفسك ونمت
واهملت من لجلك سهر طول ليله
الله يهنيك بهوى من معه همت
وانا لي الله بالليأل الطويله
ساعة قريت بيوتها صمت في صمت
كن الكلام اللي بقوله فشيله
عن مايدنق رأس محبوبتي شمت
هي خابره ربعي من اية قبيله !!
حكمة حياتي : دام عزي ولا دمت
ماغير ربي ارتجي وانحني له
ماخنت بالصاحب ولابعته وسمت
غيره ولوانها حمولي ثقيله
اشيل حمله فوق متني اليا قمت
وان طاح احطه فوق حمله واشيله
يرقا جبل شامخ من الطيب مادمت
داعس على روس النفوس الذليله
فطرت في طيب الرياجيل ماصمت
يالله تحرم كل كف بخيله
وياطير تكفا كل ما للسما حمت
تاخذ معك قلبي وشوقي دليله
هي الثريا وغيرها هي مارمت
ماكل مايبرق لعيني اخيله
ان نمت تطري لي وتطري اذا قمت
الحب خلا حالتي مستحيله
وان قالت اني : في هوى غيرها همت
وهي لها الله بالليال الطويله
اقول : لو ليله على صدرها نمت
تسوى بعيني الف ليله طويله
،
قصيدة اقسم قسم بالله اني احبك
ليت الشمال ان هب ريحه وهبك
تمر كل مامرك الشوق لجلي
تعبان واعلاجي يقولون طبك
ياعنك مايستاهل البعد مثلي
الحب لاعبي مثل مالعبك
لا تنخدع لا شفت صبري وشكلي
اقسم قسم بالله اني احبك
محبتن ماحبها شخص قبلي
جابك غلاك وداخل القلب صبك
مشيت بعروقي وتبخل بوصلي
يمدحك قلبي بس عقلي يسبك
فرقت حتى بين قلبي وعقلي
يمكن عرفت انسان قبلي وحبك
لا تنجرح اسف انا قلت : قبلي
لكن قسم بالله ربي وربك
بتموت ماتلقا من الناس مثلي
،
قصيدة حبيبي روح
حبيبي روح لاتقعد عشاني لابغيت تروح
اذا ماعاد لك حاجه بوجودي لا تجاملني
عشاني .. لا عشان الملح والعشره ياروح الروح
اذا دمي ثقيل اصبح بعينك ماتحملني !!!
تخيّر بالدروب وكل دربٍ يعجبك مفتوح
وانا لا رحت عن عيني ابلقا من يوصلني
تعذر لا بلاش انك تعذر ابتعد مسموح
تراضيني سنين البعد كان البعد يزعلني
علي لا ينشغل بالك ولو كلي غديت جروح
تهملني ربع واحباب والله مايهملني
ترى اصعب شي بالدنيا اذا صار الغلا مذبوح
بقلب اللي تحبه وعاملك باللي تعاملني
احبك شي .. وشي ثاني خطاك ان قلت لك مدموح
تجاهلني تبي ادمح خطاك انك تجاهلني ؟
احبك لو على قلبي دلالك ترتكي وتفوح
هذاك اول زمانن فات قبل انك تبدلني
بحب اللي تحبه صرت تنطر شوفته مشفوح
انا ادري من عيونك تفضحك مهما تظللني
اشوفه في عيونك .. ياعيوني في سماك يلوح
اخذ نفس المكان اللي لجل يوصله نزلني
حبيبي روح لا تقعد عشاني لابغيت تروح
انا ادري منت في حاجة وجودي لاتجاملني !
،
قصيدة فرقا عمر
ياورد تذكر من على كفها تلين
ان مرتك تروي ضماك السواقي
تذكر هذيك اللي لها عروق قلبين
اللي دفاها مرتبط بحتراقي
اللي تجي قبل اسأل اطيوفها وين
دايم تحاتي لوعتي واشتياقي
البارحه في صمت غابت عن العين
راحت وخلت جرح الايام باقي
فارقتها فرقا ماهي بس يومين
فرقا عمر ماعاد فيها تلاقي
ماني بشايل همها الا بثنتين
الكل منهن مر يالله تاقي
خايف على فرقاي ماتصبر سنين
والخوف الاكبر كان عادي افراقي
هقيت بأيام العمر خير بعدين
اكذب عليك ان قلت ماكنت هاقي
في درب جاني منين او جيته منين
مشيت لكنه ثنا البعد ساقي
ماعاد انا فاهم ولاشي هالحين
بس فاهم اني للمتاهات راقي
راقي لا والله نازل وخاطري شين
الله يهدي روعتي واختناقي
لو نفترض القا مثل زينها زين
بنت اتحدا في سهرها اعناقي
المشكله القا مثل قلبها وين
صدقني راح اموت ماني بلاقي
،
قصيدة ودي احبك حبتن فوق شفتك ؟؟
وقفت وقفه ماتشابه لوقفتك
لو شفتني قلت الغلا فاق باسك
في شارعك قدام بيتك بلفتك
وقفت تمنعني تقاليد ناسك
هم مادروا قلبي يعاني لشوفتك
واني احسد الطفل لاجاك باسك
ودي احبك حبتن فوق شفتك
وان ماحصل حبيت خدك وراسك
قدرك بعيني ماتقيسه مسافتك
حبي ذهبك وشوقي عقود ماسك
الناس لو هي بكفتن غير كفتك
كفتك ترجح لان ماهم قياسك
تباشرت عيني نهارين رفتك
متى على الله تترك حدود ساسك
الشوق علقني على جدار طوفتك
ميّت ضما وانا ادري الماء بكاسك
ياما ضلوعي عن ردى الوقت ضفتك
وبالبرد تحطبها يدينك وفاسك
ياليتني اقدر ازورك بغرفتك
على كتاب الله قدام ناسك
،
قصيدة ثلاث ايام
باقي ثلاث ايام وارد هانت
وتقر في شوفة عيونك عيوني
اجيك اسولف لك عن ايام كانت
مرت مثل مامر وقتك بدوني
ادري عيونك من جفا البعدعانت
فديتهم لاغبت عنهم بكوني
مشتاق لك والنفس تعبت وشانت
ضايق من الداخل ومخطوف لوني
لولا اتصالك لحظة الموت حانت
استغفر الله وين راحت ظنوني
دنياي لازانت لياليك زانت
ياشمسي وليلي وسمايا وكوني
ياما عليه سود الايام مانت
يديك كانت بلسم الي طعنوني
لبا يدينك كل ماحتاج بانت
كم مره من وسط المهالك خذوني
مبادئك ماذكر ولا يوم لانت
اكبر من اللي عن هواك اعذلوني
من غيرك الي كل ماغبت صانت
مالومهم لو هم عليك احسدوني
بالذات انتي لو يقولون خانت
ماراح اصدق فيك حتى عيوني

يتبع

[/ALIGN][/CELL][/TABLETEXT][/ALIGN]
__________________
رسمتگ حلم‏ غير متواجد حالياً   رد مع اقتباس
قديم 06 / 05 / 2011, 12 : 07 PM   #2
رسمتگ حلم‏

ღღ مراقبة الأقسام ღღ

 
الصورة الرمزية رسمتگ حلم‏
 
تاريخ التسجيل: 22 / 03 / 2010
الدولة: بعالم أحلامي
المشاركات: 5,057
معدل تقييم المستوى: 883
رسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond repute
افتراضي

[align=center][tabletext="width:100%;background-color:black;border:4px groove darkred;"][cell="filter:;"][align=center]
قصيدة يابيت
يابيت يابيت الكرم والمواجيب
للحين شامخ بين طول العمارات
تدري وشالي مبعدن عنك العيب
والي رفع قدرك بجنب الطويلات
راعيك باني طوفتك طيب من طيب
والساس من عز ومهابه ومروات
ديوانك مشرع لعكف الاشانيب
مدهلك ياقاطع ديارن بعيدات
اليا لفاه الضيف يبشر بترحيب
جته السمينه من يدينن كريمات
عند الجماعه افتخر والاجانيب
اني ربيت في بيت راع الصعيبات
حلال عسرات الامور النواشيب
ماكنها عنده نشيبه وعسرات
الله يهونها على العود ويطيب
ويغفر له الله ويرحمه بكل مافات
يابوي لافترت عضامك من الشيب
اخذ من عضامي اعضامن بديلات
يوم انها حر وشموس ولواهيب
يصير ظلك فوق راسي مظلات
ويوم انها بردن يسل العراقيب
دفاني بشتك واحتضني من الذات
تعطي ولا ترجي وراها مكاسيب
الا من الله رب عرش السماوات
يمناك لامدت تمد مدها غيب
كنك تقول الطيب ياناس بسكات
علمتني ان الكرم والعذاريب
ماتجتمع لو يرجع الحي لا مات
وانا ولدك اللي قضبت المقاضيب
في طاعتك ملزوم في كل الاوقات
دامك بوسط البيت تامر وانا اجيب
ماعذربت بيتك طوال العمارات
صوتك وصوت امي كبار المكاسيب
لا يابعد صوتي وبعد كل الاصوات
،
قصيدة دعوه على كل ظالم
يالله شفني ضارب اخماس يالله
عاقل مداري عاقلين المسافيه
يالله ليلي كله اعماس يالله
جفني سرقه اللي عن النوم حاديه
يالله كن قلبي بمحماس يالله
غيضي لو انه بالبحر مايغطيه
يالله والوسواس خناس يالله
ضعاف النفوس ان صوت لها تلبيه
يالله والنمام بلاس يالله
حتى الردا عاف الردا من حكاويه
يالله قول الحق نبراس يالله
والزور ماتلفي عليه المشاريه
يالله والميقاف حساس يالله
خايف اكبر شخص قدره مواطيه
يالله من لا داس ينداس يالله
وانا جدودي سعد منهو تخاويه
يالله وارث عز دقباس يالله
عرقي رشيدي عبس غطفان تاليه
يالله ماني ضعف محتاس يالله
لكن بليس اعوذ منه وطاريه
يالله ماغيرك ترى حاس يالله
بسلم امري لك من غيرك ارجيه
يالله كانه ظالم الناس يالله
انك توريني بعض قدرتك فيه
يالله كان الي معه انجاس يالله
انك تبلواهم بلا من بلاويه
يالله كانه رافع الراس يالله
انك بعين الناس راسه توطيه
يالله كانه ميت احساس يالله
انك عليه اتموت احساس اهاليه
يالله كانه يحطب بفاس يالله
انك تخلي الفاس يحطب اياديه
يالله كان بعزوته باس يالله
انك تسلط قو باسه حواليه
يالله كانه يملك الماس يالله
انك تذوقه الفقر في لياليه
يالله كانه ساتره ساس يالله
انك تهدم الساس حوله تعريه
يالله كانه ماشكا الياس يالله
انك تحده دايم الياس يشكيه
يالله كانه جاك عساس يالله
انك على نيته بالناس تعطيه
يالله كانه بالي الناس يالله
انك مثل مايبلي الناس تبليه
،
قصيدة المكان
المكان اللي لنا عاده لنا
ماتغيّر لا المكان ولا الزمان
بس غبت وجبت من غبت العنا
وصرت اسولف للمكان شلون كان ؟
اتنزح من هنا ليما هنا
لين انا ماضقت وضيّقت المكان
صرت احس اني انا ماني انا
طبعي القاسي نسى نفسه ولان ‍‍‍‍
من عذر لو قلبي الصلب انثنا
فاقد(ن) لي شخص غالي من زمان
انت تدري عنك انا مالي غنا
بس مدري ليه تبخل بالحنان
وين اولي كل ماليلي دنا
وقمت اهوجس ليه خلاني وخان .؟
اتذكر كيف نجلس كلنا
في ركن والضيق مامره وبان
كان موعدنا ثمان مع الهنا
وكنت انا دايم اجي قبل الثمان
صاحبي ماقول غير الله لنا
لاغدى مالك ولا الدنيا آمان
،
قصيدة غلطة حياتي
لا تنصدم ماعدت شي بحياتي
كلك على بعضك كرهتك وعفتك
مابيك لو انه وجودك غناتي
حذفت انا اسمك من سجلي وحذفتك
صارت حياتي معك تشبه مماتي
مافيك حاجه طيّبه لا وصفتك
عمر الخطا ماكان نوع بصفاتي
حتى مشيت العام دربك وشفتك
انا غلطت بحق نفسي وذاتي
غلطه بدت من يوم جبتك وضفتك
داخل خفوقٍ حط حبك مناتي
كبرك في عيني وجيت وعرفتك
وصرت القريب اللي .. شتاته شتاتي
جرفتني كلي .. وكلك جرفتك
لكن خساره منت كفوْ لسواتي
اللي حصل بيّن رداك وكشفتك
تدري بصراحه ايش غلطة حياتي
اني نزلت لمستواك وعرفتك
،

قصيدة عسى ربي يخليني شتات انكان خليته
اببعد والطريق اللي يودي ياعساه يجيب
بدالي واحدن تلقا معاه اللي تمنيته
مدامك شايف الفرقا امل خيره وراي مصيب
انا حاضر على امرك وامرك ماتعديته
انا الغلطان واستاهل جفاك ومنك التجنيب
على فكره ترى ماهمني بعدك وتشتيته
كثر ماهمني شخصن بداية بعده التعذيب
قسم بالله مامثله عرفت انسان خاويته
حسافه يالبعيد اللي من يديني زمان قريب
ترك دنياه من اجلي لجل دنياك خليته
هذاك اللي خلق ربي حياته كلها من طيب
تضيق بعيني الدنيا واشوف الخير لاجيته
تخيّل من تعرفنا ولامره لحقته عيب
ذكرني والمصيبه ياكثر ما انا تناسيته
كبير الفرق مابينك وبينه ولسؤال مجيب
اذا ردت على فعلك وصيته وفعله وصيته
علي لاضاقت الدنيا وجيتك عن عيوني تغيب
وهذاك ان ضاقت الدنيا وجيته فاتحن بيته
كلامه .. فلة حجاجه .. سلامه لابدا الترحيب
كبير بكل حالاته .. انا وشلون جافيته
عطاني كل ما اطلب بلا منه بلا ترتيب
على اقصاه يمكن الف مره بس حديته
اذا الله قدر ورده مثل اول وصار قريب
عسى ربي يخليني شتات انكان خليته
،
قصيدة ولدي
لا تعاتبني وانا كلي عتاب
ماغدى لك شي مفروض يغدي
لا تحاسبني على اسباب الغياب
في يدك ماصار ماكان بيدي
لو رجعنا وابتدينا بالحساب
منتهي وياك من قبل ابتدي
كنت اشوفك غير لين القلب ذاب
في هواك وصار ماهو بجسدي
وقتها لو لي ولد عمره شباب
يمكن احبك كثر حب ولدي
لكن اللي غاب .. يوم النور غاب
شي يحداني عن ايدينك حدي
تذكر اللي صار يا مال الذهاب
ليلةٍ ماجيت وامسيت اوحدي
لا تغرك بسمتي وزين الثياب
داخلي ضايق من الوقت الردي
السؤال اللي بقى ماله جواب
ياكثر مامر على الجرح الندي
يا معودني على طرد السراب
وشتبي فيني اليا ضاع جهدي ؟
صرت انا وياك نشبه للسحاب
لا تجمعنا تساقطنا بردي
السحاب اليا تساقط بالاهضاب
يحيي القاع الحزين الجرهدي
بس حنا .. لا تساقطنا عذاب
نكسر القلب الكبير الاجودي
،
قصيدة شيخة العوب
كل البشر في صوب وهالبنت في صوب
الكامل الله كامله ماتعابي
ترفه وهي تمشي مسافات ودروب
في عز رحلات الشقى والعذابي
لامن مشت في يدها ترفع الثوب
كلٍ يناديها وهي تقول مابي
من الدلع سميتها شيخة العوب
حتى دلعها منحني له عجابي
مركوبها ماهوب أيات مركوب
من مر قدامي تلنه ركابي
لحقتها والهرج زاهب ومكتوب
لأي موقف كنت عامل حسابي
قلت السلام وردت بأيش مطلوب
قلت الخفوق بخفت الدم ذابي
قالت وش اللي حدك لناري تذوب
قلت المشاعر ماعليها عتابي
قالت تمثل دور عاشق ومحبوب
قلت الحقيقه افتديك بشبابي
قالت اخير الحب ناهب ومنهوب
قلت انهبيني قبل لانقل صوابي
قالت متى تكبر عن الحب وتوب
قلت الخبل من شاف زينك وتابي
قالت صراحه ماتوقعتك سلوب
قلت افهم انك معجبه في جوابي
فجأه عرض لي واحدٍ عرضت خروب
سلم علي وخاطر البنت طابي
جاني مطفي ضارب فياض وشطوب
ومن قو عينه قال يامرحبابي
واخذ يسولف لي وانا فيه مغصوب
يسئل عن احوالي وسبة غيابي
مايدري انه بعرضته كسر قلوب
لا واعذابي منه لا واعذابي
رقد على كبدي وانا بوقت محسوب
البنت راحت والرجى منه خابي
وقفت عاجز كني انسان مغلوب
من قرد حظي كل هذا جرابي
اتلا عهدها تلتفت لفت رعبوب
مالله كتبها قسمةٍ في كتابي
اقفت تمشى في مسافات ودروب
قلبي يناديها وهي تقول مابي
،
قصيدة عيد ميلاد
قالت ابعادك اصعب ابعاد للحين
صبرت عنك والصبر عنك مافاد
البارح كملت واحد وعشرين
كنت انتظر منك تجي دون ميعاد
سكت .. وقلت من القهر خاطري شين
في داخلي ثارت من الصدمة اجواد
الحب وين .. وفرحة اعيادنا وين
الوقت ماخلا لنا حب .. واعياد
تدرين .. لا والله ماظن تدرين
افراقنا اهون من مفارق ابلاد
ابعاد .. حنا عن بعض صح شهرين
لكن ترى بُعد العرب اصعب ابعاد
لبنان تمشي في اتجاه لفلسطين
وحنا نذبح بعضنا .. وسط بغداد
حتى الجهاد .. اللي موصي به الدين
ماعاد نفهم للاسف كلمة جهاد
هذا جهاده .. قنبلة للمصلين
وهذا جهاده .. مدرسه كلها اولاد
تبكي القلوب .. ولا بكت دمعة العين
لاهين بالدنيا .. بحفل عيد ميلاد
ورد .. وسهر .. واشواق شلة محبين
ضحكة فرح ميت على الوجه تنقاد
في ذمتك .. ابعادنا اصعب الحين ؟؟
والا العرب ابعادهم .. اصعب ابعاد ؟؟
،
قصيدة يابدويه مو كذا رد الجمايل يابدويه
ماعرفتك !! والعذر اقبح من ذنوب الخطيّه
حتى شكلك صدقيني ان قلت لك : بعضه نسيته
اذكر اعيونك حورها من الخجل زايد شويّه
بس هذا اذكره وغيره من الذكرى محيته
لابعد اذكر .. شعرك اللي يحب لعبة يديّه
سالفه شعرك لحاله لو ابشرح ماوفيته
واذكر ان فمك حضن جمرن ٍ حمر فوق ابرديّه
لابتسم لي رحت له كلي من اللهفه وجيته
واذكر ان غمازة اخدودك عذاب ومهمهيّه
وردتني لطريق اللي ابتدى يوم انتهيته
واذكر ان اطعونك اللي بالظهر كانت قويّه
ايه اعرفك بس اخاف الجرح يكبر لا طريته
انتي كنتي شي ثاني .. كنتي شي مني وفيّه
اقرب انسانه لقلبي حطمت قلبي في بيته
تذكرين .. الورد الاحمر يوم جبتي لي هديّه
قلتي : تكفا لايموت الورد لك غالي شريته
مات قلبي قبل يموت الورد وجروحه نديّه
في يديني جبت دم القلب للورد وسقيته
كنت احسب اني اضحي .. مادريت اني ضحيّه
كنت احسب ان العطى يثمر بعين اللي عطيته
راحت احلام العمر .. روحه كذا من غير جيّه
حتى زرعي اللي زرعته .. ماتوفقت وجنيته
من عقب ماكان ليّه .. صار له ماهو بليّه
من خذاه !! وقلبي يسئل عنه لكن مالقيته
دايم اسمع عن خوي ٍ خان في خوة خويّه
موقف ٍ يمكن كتبته بالشعر قبل وقريته
المهم .. ماكنت احسه لين ماجتني بليّه
من يديك وحسستني وخاب كل اللي هقيته
يابدويّه مو كذا رد الجمايل يابدويّه
البداوه علمتني كيف ارد اللي خذيته
في الزمن هذا .. محال الوافي يلقى له وفيّه
الزمن هذا خذلني في محبتك وبكيته
كنت اقول : الطيّبه احسن من علوم الرديّه
كنت اقول وكنت اقول ولانفعني ماحكيته
مابقا عندي كلام ولا بقا بصدري بقيّه
من تفارقنا بصدري هالعتاب ولاشكيته
هذا كله اللي عليك .. وقولي انتي ماعليّه
بسمعك للصبح يمكن منك اسمع مابغيته
اما شكلك اعرفه عرف الموصى للوصيّه
قلت : ماعرفه .. وفي قلبي اقول:اني فديته
ايه اعرفك والعذر اقبح من ذنوب الخطيّه
انتي شكلك صدقيني راح اموت ولانسيته
يتبع
[/align]
[/cell][/tabletext][/align]
__________________
رسمتگ حلم‏ غير متواجد حالياً   رد مع اقتباس
قديم 06 / 05 / 2011, 19 : 07 PM   #3
رسمتگ حلم‏

ღღ مراقبة الأقسام ღღ

 
الصورة الرمزية رسمتگ حلم‏
 
تاريخ التسجيل: 22 / 03 / 2010
الدولة: بعالم أحلامي
المشاركات: 5,057
معدل تقييم المستوى: 883
رسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond repute
افتراضي

[align=center][tabletext="width:100%;background-color:black;border:4px groove darkred;"][cell="filter:;"][align=center]


قصيدة ابوس راس اعنادها
راحت من يديني كذا وانا اناظر في يدي
لا قادر اوصل دربها ولا قادر اقوى بعادها
حسيت يوم افراقها كن جسدي ما هو جسدي
مثل الشعوب اللي تحس غربة وهي ببلادها
قولولها محتاجها والشوق حاديني حدي
تعبت من كثر السهر البعد نفسي بادها
ضاع جهدي فدوة لها لو منها ضاع جهدي
احط موعد وانتظر يمكن تجي بميعادها
هي بس ترجعلي وانا نذرٍ علي اذبح فدي
واني ماعاد انسى ابد تاريخ عيد ميلادها
ازعلتها وكان السبب تافه مثل وجه الردي
اني نسيت اذكر ابارك للفرح بعيادها
تطور الموقف وانا ماكنت في الموقف هدي
كابرت انا ومثلي بعد هي كابرت بعنادها
الحق معها واعترف والحق ما والله يغدي
والغلطة ماتحسب على اللي لا غلط ماعادها
قولولها يشهد علي الليل والجرح الندي
ساعة عطتني ظهرها والقلب يصرخ نادها
وان كانها عيت تجي وراحت ورى البعد تعدي
الله معاها بس تقول البعد وشهو فادها
واذا سكتت او دنقت او طالعة صوب الجدي
تراها ودها بالرجوع وعنادها ماقادها
خلوها لي وانا اجي احط يدها في يدي
وكان العناد براسها ابوس راس عنادها
،
قصيدة ملح القصايد
ملح القصايد حدني لشي مابيه
ووردت له حمل الركايب لحالي
له هقوة(ن) فيني ولي هقوة(ن) فيه
والغالي مايشره على غير غالي
اموت والله قبل اخيّب هقاويه
لو احتمل شي(ن) يفوق احتمالي
انا من اللي ذراع الايام تلويه
جماعة(ن) مافرقتها الليالي
عمي وخالي للشرف راس ووجيه
من طيب مجنايه عمامي خوالي
ناس اتذكرها .. وهي ماهي هنيه
وناس اتناساها .. ولو هي قبالي
اشد طعنات الزمان وبلاويه
طعنت ضهر بيد الرفيق الموالي
بيت(ن) لفاه الضيف عيا يعشيه
يعل ماتلفي عليه الرجالي
الشعر تشتاق لخيالي معانيه
شوق القصايد للبيوت الجزالي
حقه علي .. مثل الخوي يوم اخاويه
ارفعه فوق النايفات الطوالي
لعيون من راسه على القلب راكيه
اللي فدا قربه حلالي ومالي
اني لسوي شي محد(ن) مسويه
ان شافه العاقل يصيبه هبالي
وان عودت يم الغلا شلون مغليه
لا صار له كل الغلا اول وتالي
يخطي على قلبي ولا قلت له ليه
وكل ماجرحني قلت له لا تبالي
فداه لو تل المعاليق بيديه
ثم حط له بين الحنايا مجالي
لجل يتخطا عروق قلبي برجليه
ويعضد يدينه بالضلوع متعالي
دامي احبه حيل .. واعشق طواريه
خله يتل القلب كل ما طرالي
ملح القصايد حدني لشي مابيه
ووردت له حمل الركايب لحالي
،
قصيدة قلب بدوي
ماعلي خلاف اقول اللي ابيه
من فضل ربي علي اني قوي
الا حبك شي ما اقدر عليه
كن حبك ضيف والقلب بدوي
انت بس اللي ابيه ولا اجيه
عنك حظي لاوي ذراعي لوي
صرت لي مشوار لاجيت ابتديه
ان لقيت الدرب ضيعت الخوي
رد يامنهو حياتي في يديه
لا تخليني وانا لك مهتوي
ان خسرتك وين ابلقا لك شبيه
وانت من كل شي نادر تحتوي .؟
وين رايح جعل هالزول افتديه
وانت خابرني من البعد انكوي
انت حتى الجرح منك اشتهيه
من غلاك اضمى عذابك وارتوي
انت لا سولفت ماكني هنيه
التزمت الصمت كني منطوي
ليه اسولف لك وهي من غير ليه
تعرف انك تطوي احزاني طوي
انت حبك شي ما اقدر عليه
كن حبك ضيف والقلب بدوي
،
قصيدة الشهره
الشهره اللي وراها الناس منجرفه
ماهوب اكبر طموحي مصافح ايديها
مانيب جاهل بها انكانها حرفه
اعرف مداخيلهاواعرف خوافيها
اعرفك يادربها واقول ماعرفه
وان مر طاري لها صديت طاريها
الشعر لولا عيون الجادل الترفه
والله لانسى القصايد مع قوافيها
ضيقات صدري كثيره مالها صرفه
من كثرها ماعرفت شلون ابحكيها
اشياء منها تبات النفس منقرفه
ياكثر ماحطمت نفسي وامانيها
القدس راحت إناظرها من الشرفه
وابن اليهودي يدوّج في ضواحيها
وحنا العرب ساكتين اسكات معترفه
نشوف بالعين ارض القدس وش فيها
والدمعه اللي من المسكين منذرفه
ماحركت شي بالظالم معانيها
الجوع .. والبرد .. ومسكن يشبه الغرفه
تقتل احلام الفقاره .. قبل تحييها
والناس صارت بجرح الناس محترفه
يارب سترك من الدنيا وبلاويها
والحب تطعن بصدقه .. بنت منحرفه
من كثر ماكذبت .. تنسى اساميها
وبعض السوالف تغثك مابها طرفه
تدبل كبودٍ تدور من يسليها
مثل البشر بعضهم ماودك تعرفه
زودٍ على ضيقتك وجهه يطّريها
،
قصيدة الثريا
الحلم تفسيره صعب تتعب من الحلم العقول
مثل السنين اللي مضت شفها هذيك أطلالها

والناس من خلقت وكل واحد وله راي وميول
لا تزعل امن البارحه قول الوعد بقبالها
بقول لك حاجه وابي منك لحسادي تقول
وان كان ما تقدر تقول قل ثامر اللي قالها
من جيت للساحة وانا واصل ولا بحاجة وصول
قصايدي توصل ولو قلّت دروب اوصالها
قصايدي ارضت لها ناس وزعل منها زعول
قصايدي أبكت قلوب الله عليم بحالها
قصايدي خلت لها شيخان من باب الفضول
تسأل عن اسمي وحالتي احساسي شاغل بالها
كم بنت ابوها ما عرفت اسمي عطت شعري قبول
ابيات شعري امخزّنه في محفظة جوالها
ما هو غرور ولا كبر بس انزعجت امن الطبول
اللي تدن اطبولها وشعارها تبرا لها
يبقى الصحيح اهو الصحيح الروس ما تتبع ذيول
وجه الرجال وقدرها يحسب بقد أفعالها
والبارحه يوم اقصرت عني وأنا كفي تطول
علمتها لا تقترب بقصارها لطوالها
سقت الحمول اللي اشتكى من حملها طير وذلول
ما خفت من غدر القلوب اللي غدرت بعيالها
اصول فالساحه وأجول أجول فالساحه وأصول
ما همني لاجدها ولا عمها ولا خالها
انا كذا امن الله خلقني ما عرف درب النزول
عودت رجلي للصعب صار الصعب يحلا لها
هذا وأنا لحالي اجل وشلون لو جيت محمول
شفت الثريا لو أصيح لعبس راح أرقا لها
ربعي ليا صكت علي يبكي على الحكم معزول
لي لابتن من دون قاصر ما نشرب فنجالها
بني رشيد ليا اصطفق موج البحر سالت سيول
يا سعد عين أم الضعيف اللي تكون بجالها
يوم انها بالسيف والشلفا على ظهور الخيول
كم من قبيلة طيبه امست بلا خيالها
يا ما عفينا لخاطر العقال زلات مهبول
ندمح وعقال المهبل تلفت لهبالها
لكن ليا منا بطشنا بطشنا ما هو معقول
ندعس على روس المهبل ورقبة عقالها
قلته وانا ماني بمن قوم ابهته بحكي معسول
من روس قومن اثبتت افعالها اقوالها
اكرّم الطيب ولا تسوى الفحول الا الفحول
ما تلحق الشكه فحل بدقاقها واجلالها
اما الردي اجنبه مال الخبول الا الخبول
مثل المره مالي حكي الا مع رجالها
بعض الرجال ليا مشى وياك خذ وياك زول
بعض النسا تومي عليه ليا وقف واومالها
يعجبك في زوله ولكن بالفعل ما من فعول
يا كثرها افعال الرجال اللي خدعتك ازوالها
استغفر الله ونعمتك يا الله عساها ما تزول
لو النعم في يد غير الله علينا زالها
يالله ياللي ترمي اللقمة على فم معقول
تغنيه عن مد العرب اجوادها وانذالها
انك تسامحني اذا زليت في قوة وحول
انا الضعيف اللي ترك نفسه على موالها
كل ما ذكرت ان البدو كانت من اصحاب الرسول
استغرب ان التفرقة كيف اقدرت تغتالها
ويا صاحبي كثر الحكي ضيق على الصدر الملول
هذي البلاد ان ظامتك دور ابلاد ابدالها
هذا بخصوص الشعر حمل اخذه وباقي لك حمول
مثلك حموله كل ما زادت نهض واشتالها
واذا خلصت امن الشعر حول على اللي ما تجول
الا بصدري يوم صدري بيتها وظلالها
سولف لها عني تراه لسانها طبعه خجول
اقرا كلام عيونها وجاوب على سؤالها
اذا اسألت عن عهدنا بنت الاكابر والاصول
قل شاعرك ما صافح كفوف الرجال لمالها
واذا اسألت عن حالتي طمنها كان انها جفول
قل حالتي في خير دام انها في خير احوالها
واذا اسألت عن الوصل تبغى من يديك الحلول
قل شهر كان الله كتب لازم اكون قبالها
واذا اسألت عن الشعر تبيك من شعري تقول
قل هذي اخر ما كتب من قلب صادق قالها
اللهم صلي وسلم على سيدنا محمد
،
قصيدة تخونيني ؟؟؟
ماني بسائل مع منهو تخونيني
بس بسئلك من متى وأنتي تخونيني
قبل أمس كله معي للصبح سهرانه
والبارحة أذكر ابرقد ماتخليني
واليوم أشوفك معه يدك وسط يده
وأمر قدامك ولا كنك تعرفيني
وشلون! أبفهم تعالي واشرحي ليه
نسيتي لا مستحيل إنك نسيتي
مامداك تنسين يمكنك تناسيتي
وأنا الذي كل ماضاقت ذكرتيني
العام جيتي ودمعك مغرقٍ جيبك
قلتي: أخذني على صدرك وغطيني
ماكنت أخذلك اليا منك طلبتيني
وأنا قبل ما أطلبك وإنتي خذلتيني
في عز ماحتجت لك في ضيقة الدنيا
جيتك أبي فزعتك لكن طعنتيني
للحين أكذب انا ماصار قدامي
ماني بقادر أصدق لا تلوميني
حتى الشعروالقصيد اللي على خبرك
أحس عقبك أبد ماعاد يعنيني
كتبت فيك الوفا والصدق والطيبة
قصايدٍ للأسف بتطيح من عيني
(من غدرالأيام جيتك كارهن نفسي)
أول قصيدة بعد منتي عرفتيني
(ومحتاجلك حيل والله يقطع الحاجة)
آخر قصيدة بعد منتي تركتيني
عرفتي الفرق بين الشعر والشاعر
بس ماعرفتي وش اللي مرثعٍ فيني
إحساسي اللي ذبحني وراح يذبحني
واللي يبي يقلب الدنيا على سنيني
الناس تسمع قصيدي فيك وتصفق
وأنا أتذكرك يوم إنك تخونيني

،
قصيدة تدري وش اكثر موقفٍ فيه قصرت
ياصاحبي لاتسئل اشلون فكرت
اني اخونك انت والله مدري
خونت فيك وخنت نفسي وقصرت
غدرت حبٍ ماعرف يوم غدري
غرتني الدنيا وخنت وتغيرت
ماقمت اشوف اللي من الناس حدري
لكن انا ابقا انا ماتنكرت
مهما حصل ماغير الوقت قدري
كل ماخذاني منك طييف وتذكرت
حسيت شي يتلني وسط صدري
اذكر مواعيدك اليامن تأخرت
تقول سامحني وانا اقول : بدري
ماكنت احب احسسك لاتعذرت
اني انا زعلان .. مزداد قدري
عاد انت لاتبخل وسامح الياصرت
تقدر تسامحني يابو وجه بدري
تدري وش اكثر موقفٍ فيه قصرت
يوم انت تذكرني وانا عنك مدري

،
قصيدة الشعر احسه قطعت احساس مني ؟
ياناشدن ساحات الاعلام عني
ارتاح من كتب الرسايل بالاقلام
مبعد عن الساحه وغثاها لأني
شاعر حقيقي ماني بحاجة اعلام
الشعر احسه قطعت انسان مني
كبرته بعيني على مر الاعوام
كتبت كل اللي احسه وكني
اترجم احساس المخاليق بالهام
ومن شفت جنيه لشاعر وجني
عرفت ان المسأله صارت أوهام
تركت شعار المجنن تغني
على لحن: ياشاعر الناس نيام
ولجروح قلبي قلت: في صمت وني
ماودي تسمعها الاماني والاحلام
ظنيت في شعري ولاخاب ظني
حشمته سواة الرجاجيل الاحشام
للمقفيه ماقلت تكفين حني
ادوس ماضيها مثل دوس الاقدام
و للشيخ ماقلت الركايب تعني
ازين اسلوب المدايح لحكام
وعن الملحن والطبل والمغني
حرمتها بحكم الشريعة بالاسلام
واليوم رد العلم للناس عني
وارتاح من كتب الرسايل والاقلام
مبعد عن الساحه وغثاها لأني
شاعر حقيقي ماني بحاجة اعلام

،
قصيدة فزعة الموت
يالله ياللي تفقر وتغني ابيوت
الارض بأمرك داخل الكون تسبح
ادعيك تغفر لي قبل حزة الموت
مؤمن قبل يدعيك بأسماك سبح
في هالزمن ماعاد به شي مثبوت
نمسي ولا ندري على ويش نصبح
بس الوكاد ان وجه الايام طاغوت
لا زان يوم اعرف ترى الجاي اقبح
والصدر له مده من الضيق مغموت
في داخله كن سيد الضيق طبح
ضيعت عمري افهق الموج للحوت
وانا ادري ان الحوت في الموج يسبح
اما انت ياللي تنطح الصوت في الصوت
الذيب يعوي وانت يا الكلب تنبح
ماينحني راسي واسم عبس منحوت
في قلوبنا تجارة الموت مربح
الشيخه ماهي لبس جاكيت وبشوت
وماكل رجالن على الطيب يشبح
شفني وشف ربعي رشايدتي الموت
حتى ورى السودان نصلخ ونذبح
عدونا يبشر بطعنات جالوت
من الدم يلقا الذيب والطير مسبح
وخوينا ماهي انتخابات كم صوت
هيّن لو انه خاسر سنين يربح
لا والله الا فزعت الموت للموت
ياننذبح من دون عزه يانذبح

،
قصيدة حفلة افراق
اتعبت نفسي وجوالي وأنا افره
عليك ياللي ما عاد اتطيق جوالي
ادق واسئل عن احوالك كذا مره
من طيبتي كل مامريت في بالي
ماكنت احسب انك عديم احساس بالمره
مستخسر انك ترد تسئل عن احوالي
والله وطلع لك اسم يا تابع الجره
ماكنك اللي ربيت اسنين في ظلالي
اصغر من انك تذل القلب وتضره
كافي معك ضاعت اسنينه على الخالي
انكان نفسك عشان ابيك مغتره
والله لا اعلمك وشهي قيمة امثالي
ماتدري ان الحرار قلوبها حره
ان عزمت تقلب الاول على التالي
قل للسنين العذر لا عاد تتشره
في عز ما ضقت ما حصلتك قبالي
خليتني والوجيه البيض مسمره
تضحك علي الليالي بوجه عذالي
لكن وعد لاشتريلك ورد واثره
على فراقك واسوي حفل بلحالي
واعزم هداياك اللي داخل الجره
اللي قبل يوم كانت ذكرة الغالي
واحرق هذاك الزمن وافتك من شره
واعيش عمري بلا همي وغربالي
صدقني ما ضقت من فرقاك بالمره
بس ما ذبحني سوا حاجه بجوالي
تدري وش اللي ذبح قلبي من الحره
اني مخزنك في جوالي الغالي


[/align][/cell][/tabletext][/align]
__________________
رسمتگ حلم‏ غير متواجد حالياً   رد مع اقتباس
قديم 06 / 05 / 2011, 21 : 07 PM   #4
رسمتگ حلم‏

ღღ مراقبة الأقسام ღღ

 
الصورة الرمزية رسمتگ حلم‏
 
تاريخ التسجيل: 22 / 03 / 2010
الدولة: بعالم أحلامي
المشاركات: 5,057
معدل تقييم المستوى: 883
رسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond repute
افتراضي

[align=center][tabletext="width:100%;background-color:black;border:4px groove darkred;"][cell="filter:;"][align=center]



قصيدة كل عام وانت بخير
كل عام وانت بخير وايامك بخير
لايابعدهم كلهم ياغناتي
انت بحياتي شي ثاني عن الغير
تقدر تقول : اجمل حدث في حياتي
انت الفرح انت الوفا والتباشير
انت امنيه لا والله كل امنياتي
دايم افكر لو خسرتك وش يصير
وقول دايم جعل قبله وفاتي
من قبل اعرفك ماحسبت المخاسير
واليوم شفني ماخسرتك واحاتي
اذا افترقنا بطلبك مطلب صغير
لاتزورني بين النعاس ومباتي
اخاف لاجوني طيوفك مسايير
قلطهم قلبي تعشوا مماتي
ماقلت لك طبع الوجيه المسافير
ماتغيب وان غابت ليالي وتاتي
يعني اذا بتغيب من غير تفكيير
ترجع قبل لا ينكسر لك ثباتي
ولا اخذني معك من وين ماتسير
مدامك الدرب الطويل بجهاتي
لو نفترض اني وصلت السما طير
احوم حومة حر والريح عاتي
المشكله اني بلياك ماطير
لانك جناحي للمطير ونجاتي
الطيحه منك تترك اسنين تأثير
من قال لك ماراح تشمت عداتي
لا والله الا طيحة الدلو في البير
ياكبرها منك الملم شتاتي
وص انت قلبك يذكر الحب بالخير
ولا انا والله لقضب وصاتي
امانتك .. في داخلك شوفني غير
وامانتي .. لقربك قرب ذاتي
من كثر ماخانت غلاك التعابير
معاك احس اصدق كلامي سكاتي
لكن تعال وخل عنك المعاذير
شفني شسوي وسو عقبي سواتي
ارفع يديك لمن يرد المقادير
وردد ورايه ماتقوله شفاتي
كل عام وانت بخير وايامك بخير
وانا معاك اعيش باقي حياتي

،
قصيدة ياراس
ياراس لاترجي رفيقٍ يعزك
ان كان ماعزيت نفسك بتنهان

قام الردي يجسر عليك ويدزك
دارت عليك اليوم دورات الازمان
الناس ماتعطف عليك وترزك
ارفع مقامك وارتفع ياكحيلان
والموقف اللي هز قلبك وهزك
لاتلتفت للي غدى ماضيٍ كان
يحز بالخاطر وانا ادري يحزك
انك تشوف الذل من اقرب انسان
اصبر على همومٍ كثيره تلزك
وقف على حيلك ولو كنت تعبان
عاند زمانك في طموحٍ يكزك
لو قالوا : ان معاند الوقت خسران
قلوب خلق الله بعضها تعزك
واكثر من اللي تعزك قلوب عدوان
يعني اليامن طحت محدٍ يرزك
انكان مارزيت نفسك بتنهان
،
قصيدة الاماره
يا الشعر ما جيتك ادوّر مكاسيب
يغنيني الله عن طمانٍ رقيته

البارحه ضاقت وجيه الاصاحيب
البارحه ما باقي شيٍ خفيته

في ليلهٍ كلٍ يدور معازيب
خليت بيبان الاماره وجيته
سقت الركايب فوق روس المراقيب
ولا وقفٍ إلا على باب بيته
بيت الفقير اللي مضرا على الطيب
تراه اكرم شخص لامن نصيته
يعطيك من قلبه قبل مدة الجيب
يحس في قيمتك واللي بغيته
اليا خذا منك ذكر طيبك بغيب
واليا عطا ما قال: هذا عطيته
ماجيته اشكي قل مال ومواجيب
جيته ادوّر شي (( ابيه ولقيته ))
جيته احس اني من الضيق مانيب
قادر ارد من النفس ما خذيته
مرت ثلاث سنين شعر ومكاتيب
في درب ما احبه ولكن مشيته
في عيون جمهوري وعشاقي مصيب
وفي عيني اكبر ذنب ذنبٍ جنيته
اصبحت شاعر له حفاوه وترحيب
كسبت فوق اللي حسبت وهقيته
لكن خسرت انسان خالي من العيب
والمشكله انه ما جفاني .. جفيته
انسان غير وشفت غيره عذاريب
انسان يوم اني خسرته بكيته
لو القصيد اللي خذا قربه يجيب
بعت القصايد كلها واشتريته
يالشعر لا ياناس روحوا مناديب
عندي كلام ارتاح لامن حكيته
قولوله: اني ماني بقادر اغيب
البعد عنه هدني ما قويته
قولوله: اني عفت كل الرعابيب
الشاهد الله ما عشقت ونسيته
قولوله: ارجع للضلوع المصاويب
للحين ترجي ما بناه وبنيته
الشمس وهي الشمس كل ليله تغيب
وشلون ما يعذرغيابي فديته
وكانه قبل عذري فدته المعازيب
والشعر كله ما كتبت وقريته
،
قصيدة بسكات
ياكثر شرهاتي عليك انت بالذات
والا على غيرك تراها قليله

تعبت اجي بسكات واروح بسكات
ساكت وانا متني حموله ثقيله
مرات احس اني لحالي ومرات
احس مسنود ٍ بجيش وقبيله
عشت بمتاهه غير كل المتاهات
كانت مفيده بس ماهي جميله
عرفت منها كيف طعم الخيانات
وشلون ترخصك النفوس الذليله
خسرت .. لاوالله فدتك الخسارات
ياغلا من الدانه بعينن بخيله
ماقلت لك قصة بعيد المسافات
اللي معه بشته وسيفه وخيله
ضحى بهم منشان سود ٍ وسيعات
الله يعين اللي مفارق خليله
جيتك اشيل من التعب كثر مافات
طرقي وهدت سود الايام حيله
خذني من ايدين الحزن للمسرات
ليله معك عن الف ليله وليله
صوتك لحاله غير عن كل الاصوات
وش غير ؟ حتى الغير ماهو مثيله
غير انت وصوتك غير والشوق مامات
وتلومني لاجيت قلبي اشيله
علاقتي وياك غير العلاقات
لو كان ماهي ياحبيبي طويله
اشره على الغالي عليك انت بالذات
والا الرخيص رخيص ماني بجي له
،
قصيدة ارفعك بيدي للسما ترجع اتطيح
لاجيت افكر بالوجيه المفاليح
وفرقت بين الناس عالي و واطي
فكرّت بك ضمن الوجيه المشافيح
متقلطن ببساط ماهو بساطي
علاقتي وياك تحتاج توضيح
من شفت في بعض الامور اختلاطي
مثلك خطا يحتاج وقفه وتصحيح
بيّن مثل تفريق ماخذ وعاطي
ربيت من صغري على هبة الريح
ولبست لي ثوبن كمومه اخياطي
يوم انت تلعب في يدين المراجيح
انا انطح الضيفان وافرش سماطي
ماعابني لاصرت ظمن المجاريح
اغلا جروحي بين الاظلاع ساطي
العيب لاسقت القدم دون تصريح
وخليتها بدرب الرديين تاطي
والمشكله انك تحرث النار وتصيح
اركد قبل لافك عنك رباطي
خابرك ماتبعد قريب المراويح
زايد عن العالم بكثر الهياطي
اكبر طموحك لاتعطرت بالريح
تطلع تمشى بين شاطي وشاطي
عندي سؤال وخابرن فيه تجريح
لكن ضروري تسمعه بأنبساطي
ارفعك بيدي لسما ترجع اتطيح
قلي شسوي فيك لا صرت واطي .؟

،
قصيدة هذا انا ؟؟؟
لاتسئليني عن سبب ضيقة البال
مبطي وانا ماذقت طعم السعاده

ظروف خلت حالتي ماهي بحال
كافحت ليما مابقت بي إراده
بنيت لي في عالم الصبر تمثال
وباد الزمن تمثال صبري إباده
حاولت اوسع خاطري بلعب الاطفال
وكل ماسليت شوي ضاقت زياده
لو المشاكل حلها الدمع لا سال
استغفر الله .. صار دمعي عباده
لبكي بكا .. ضيقه ولوعه وغربال
مابكي بكا .. خوف ٍ وذل وشراده
يابنت .. وديار البدو عشب ورمال
ومسرى بليا شور كله جهاده
وانا سريت بوادي ٍ فوقه جبال
الحر ماشاف الشبك يوم صاده
فيني بدوي طبعه ورى الخير رحال
اكثر مقيمه فوق مركب شداده
يشد وينزل كل فتره بمنزال
قربه صعب جدا وسهل ابتعاده
ان قال فرقا .. ماتراجع اليا قال
ماتقدر الدنيا تكسر عناده
فينا الولد .. يسوا ثمانين رجال
فينا الكرم .. خلقه وسنه وعاده
وبالعشق اخذت اللي مواصيفها ثقال
في زينها ماهي بحاجة شهاده
حبيبتي .. مازينوها بسلسال
من زود ماتبرق تضيع القلاده
اسود شعرها .. للبست فوقه الشال
الشال الاسود .. ينصدم من سواده
ارجولها خلخال .. من دون خلخال
خلقتها لفت انظار .. ماهي عماده
لو نفترض مرت على شارع الجال
فاض البحر يشكي عليها وداده
الارض تهتز حدرها هز زلزال
زلزاله اتعشق حدوثه بلاده
فيها الحلا .. عايل على كلها عال
ان سولفت بالليل انسى رقاده
بس المصيبه حظك الشين لا مال
اليارقد يابعد والله قعاده
وانا مع حظي .. بعض ناس عذال
زادوا علي .. من النكاده نكاده
صحيح انا عايش .. ولو الحزن طال
الحمد لله والشكر والشهاده
الفضل لله .. عزني بكل الاحوال
ماذلني بحاجه تشمت إعباده
مير البلا ضيقات الوان واشكال
لاجن خلني طريح الوساده
هذ انا . ياناشدتني عن الحال
من كثر ضيقاتي نسيت السعاده
،
قصيدة هذي حياتك وانت حر بحياتك
لحظه قبل لا تطلب البعد وتغيب
وتنهي معايه مرحله من حياتك
أخذ الهدايا والصور والمكاتيب
دامي خسرتك ما أبي ذكرياتك
يمكن يكون فراقنا رأيٍ مصيب
خيره .. كتبها الله جتني وجاتك
مع اني ادري انت ماعنك تجنيب
كنك موصيني وقاضب وصاتك
رح واترك بقلبي لك أربع معازيب
معزتك طاريك حبك غلاتك
وإن شفتني أجمع شتاتي .. ماهو عيب
باكر مع الأيام تجمع شتاتك
وإن شفتني شايل جروحٍ معاطيب
باكر يصير الجرح أبرز صفاتك
أكبر مصيبه في زمان العذاريب
إنّي أحبك وأنت حبك لذاتك
الطيب لو إنك تجازيه بالطيب
ماكان تالي الوقت هذي سواتك
يا صاحبي لا صرت أغلا الأصاحيب
لا تزعل بكيفك وتطلب رضاتك
أنا حبيبك مبعد الشوح مانيب
من ضيّع جهاته .. يدور جهاتك
إن كان ماعديت روس المراقيب
ماني كفو أصلاً أنام في عباتك
شفني مقدر عند عكف الأشانيب
مانيب من تومي عليه بعصاتك
رح للفراق إللي تركنا مصاويب
شمّت اعداتي قبل تشمّت أعداتك
الله معك .. رح وين ماودك تغيب
هذي حياتك .. وأنت حر بحياتك

،
قصيدة طيحة العود
تعبت اقول لضيقتي سهود ومهود
اليا متى هالعذر بيكون عذري
البارحة يوم اكثر العالم رقود
عادت علي اللي تجي منين مدري
الضيقة اللي كل ماراحت تعود
مكانها مابين قلبي وصدري
ناسٍ تنام مدهنة في دهن عود
وناسٍ تنام مدهنة بزيت مقري
لاواهني اللي حلالة من الذود
تسعين وضحى كل ماضاق يسري
يسج معها كل ماهبت النود
يتبع مسيل السيل في القاع يجري
ماهوب مثلي من اقرب الناس مجحود
الله يسامح من طعني بظهري
من راح ماكنه على القاع موجود
مايدري انه اول اسباب كسري
كل ماطرالي قلت من قلت الفود
ياليت منهو راح ماعاد يطري
لو تستحي من فعلها ايامي السود
كان استحت مبطي ولا طال صبري
قدمت بالموجود لخاطر الجود
لين التفت ولابقى شي حدري
عطيت من عمري ولا شفت مردود
ياللأسف للناس ضيعت عمري
واذا افرحوا واجد على طيحة العود
هذا دليل انه فعل شي يغري
بوقف لحالي واتبع الطيب والزود
اشره علي ان صغر الوقت كبري
ماني على بعض المخاليق محدود
اموت مانزَلت للناس قدري

،
قصيدة حاولت اغيّر فيك من كثر مغليك
البارحه مابين وشلون يمديك
في يوم واحد ياحبيبي تغيّّرت
الليل خلاني وخلا طواريك
تلعب بقلبي كل ماداخلي ثرت
سويت شين حدني غصب ماجيك
والا قبل لاسير الليل سيرت
هدمت كل اللي بنيت بتجافيك
هدمت لا والله بالعون دمرت
خليتني ماقلت لي شلون اخليك
ليتك بحالي قبل مارحت ناظرت
الله كريم يصبر اشواق مغليك
لاقام ينثرني غلاك وتناثرت
والله يسامح قلبي اللي مواليك
اخذت كل اللي تبي منه وانكرت
منهار جيت العام تسبق خطاويك
واليوم ماكنك قبل جيت وانهرت
في ذمتك لامن تذكرت ماضيك
من يطري في بالك اليامن تذكرت ؟
من كثر مافكرت وشلون اراضيك
وياك في نفسي ولا يوم فكرت
على كثر ماكنت متمسكن فيك
وعلى كثر ماحتجتني ماتعذرت
جيتك وعندي حاجتن بين اياديك
والمشكله تقدر عليها وقصرت
رح بشر اللي ملتفت لك يناديك
قله تركته لخاطرك ماتأخرت
صدقني انها غلطتي يوم اداريك
ولا انت لولا غلطتي كان ماصرت
كبرتك بعين البعيد وحواليك
ابيك تكبر والمصيبه تكبرت
حاولت اغيّّر فيك من كثر مغليك
قدرت لكنك عليّّه تغيّّرت

،
قصيدة جيتك
لاتلومني لاجيت كلي من اقصاي
مافيه غيرك لاتضايقت جيته

جيتك ولاغيرك ذكرته بمسراي
جيتك وكل انسان غيرك نسيته
جيتك وانا ماني بأنا تايه الراي
جيتك وانا مدري وش اللي بغيته
جيتك وقلبي دقته تسبق خطاي
جيتك اقول مفارقك ماقويته
ان مر يومٍ بالعمر منت وياي
اشتاق لك شوق المسافر لبيته
مثل الهوا تحتاجه الناس والماي
يحتاج لك قلبٍ هواك وهويته
دامك معي ماقصرت يوم دنياي
دامي خذيتك وش بقا ماخذيته
وانكان تنشدني بعد ليه انا جاي
ابشر بردٍ يقنعك لاقريته
جيت اعترف بالفرق يا اخر مناي
بينك وبين اللي عشانك جفيته
اني ليامن جيت لك ( همك رضاي )
واني ليامن جيت له ( مالقيته )
لاتلومني لاجيت كلي من اقصاي
مافيه غيرك لاتضايقت جيته

[/align]
[/cell][/tabletext][/align]
__________________
رسمتگ حلم‏ غير متواجد حالياً   رد مع اقتباس
قديم 06 / 05 / 2011, 25 : 07 PM   #5
رسمتگ حلم‏

ღღ مراقبة الأقسام ღღ

 
الصورة الرمزية رسمتگ حلم‏
 
تاريخ التسجيل: 22 / 03 / 2010
الدولة: بعالم أحلامي
المشاركات: 5,057
معدل تقييم المستوى: 883
رسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond repute
افتراضي

[align=center][tabletext="width:100%;background-color:black;border:4px groove darkred;"][cell="filter:;"][align=center]

قصيدة اكره اثنين
قالوا امدح شيخ و الا امدح امير
لأجل تكسب من مديحه فايده
قلت انا في خير واحوالي بخير
ليه ادوّر شي ماني رايده .؟
ادري ان ما للكبير الا الكبير
الرجال تقاد و الا قايده
اكره اثنين : المنافق والحقير
تستقل طيب الرجال الرايده
ان مدحت امدح وانا وجهي سفير
مدحة للحق ماهي سايده
و كانها ما جات من قلب و ضمير
مدحتي ذمه بحقه كايده
وش علي ان صاد له طيرٍ يطير
لاهو بطيري ولاني صايده
من خلقن الله احب اكون غير
ما احب اكون حاجه زايده
الفقر ما عذرب اخلاق الفقير
في السنين الحاضره والبايده
في الزمن اشياء تعني لي كثير
التمام الشمل حول المايده
ومنظر البسمه على الطفل الصغير
في نهار العيد يوم تعايده
قلتها وعذري يصير اللي يصير
كلٍ راسٍ يرتخي لوسايده
انتبه وياي للبيت الاخير
اسمعه مني ولاني عايده
تدري وش معناة رجالٍ حقير
من يصاحب رجل لأجل الفايده

،
قصيدة احساس طفلة
يابنت وجه الخير بيّن ومعروف
لو ماتكلم شافت الناس خيره

والوجه الاقشر ماهو بحاجة وصوف
يبان حتى للعيون الضريره

من عاش يتبع خطوة المال ملهوف
رزقٍ كتبه الله مافيه غيره

الخوف لو ينفع .. نفع صاحب الخوف
اللي على حقه يدينه قصيره

الضعف ماغيّر قدر ناسٍ ضعوف
عاشت صغيره ويوم ماتت صغيره

كلمة احبك بس من اربع حروف
وتحكي احاسيس ومشاعر كثيره

الحب اكبر من سهر ليل وطيوف
ماتفهمه حتى القلوب الكسيره

تدرين اصدق حب يطلع من الجوف
حب الفقير اللي عشق له فقيره

احلامهم تكبر من ملامس كفوف
وتكبر من اشواق العشير لعشيره

كنه معاها لو على ضلع مكشوف
داخل قصر يجمع امير واميره

احساسهم صادق بلا كذب وزيوف
كلن يقول اللي يريّح ضميره

احساس طفله عندهاالعيد نفنوف
تظن من تلبسه صارت كبيره

وانا لحالي مجابه صفوف وصفوف
واليا خسرت اقول فدوه وخيره

اطيح ووقف وابعد الشوف واطوف
اخذ قليل الزاد وارحل لديره

اترك كثير الزاد في كسب معروف
ترك الكثير يجملك في مصيره

يمكن يجيه انسان هالك من صدوف
يلقا من اللي تاركه مايجيره

شايف من الدنيا وعايف بشر عوف
اجناب والا من رجال العشيره

مرت علي اظروف واظروف واظروف
ماريحت حتى العيون السهيره

وللحين راسي راس وكتوفي كتوف
ماغيّرت مني ليالي عسيره

مدام فيني حيل وعيوني تشوف
والله معيّشني بحاله ستيره

والله لستقبل على بابي ضيوف
لو ما ملك الا دلتين وحصيره

،
قصيدة رثاء الامير
يالله يامثبت هل الدين بالدين
الشعب في رجواك يالله صابر
عشنا الغزو في باس ماحنا ضعيفين
لكن عرفنا الضعف في موت جابر
ابو اليتاما والضعوف المساكين
صحيح من قال المراجل مخابر
اليا تيامن كلنا نوقف يمين
خلفه اليامن الزمن صار غابر
وشلون ننسى موقفه عام تسعين
يوم انحنت قدمه كبار المنابر
وقف ووقف له شعوب وسلاطين
الشعب خابر واغبر الوقت خابر
وشلون ماتبكي على جابر العين
من يقدر اليا شاف قبره يكابر
حكم قلوب الشعب سبعه وسبعين
والفين وسته راح ماهو بعابر
باقي بقلب الشعب مثل الشرايين
صارت لقبره قلوب شعبه مقابر
الفين وسته .. ليتها سته الفين
استغفر الله وش تقول المحابر
مايرجع اللي راح لو نبكي سنين
بس ندعي الله وللعزا الله جابر
نسجد لوجه الله عبيد ٍ مصلين
يالله ترحم عبدك الشيخ جابر

،
قصيدة احبك
انا لاقلت لي شلونك وانا ضايق اقول بخير
مدامك سائلٍ عني اكيد ان ضيقتي راحت

انامن كثر ماحبك اشوفك في عيوني غير
تضيق النفس من غيرك ولامن شفتك ارتاحت

احبك كثر .. ماتطري فبالي وتشغل التفكير
كثر .. ماشيلك بعيني وناسٍ منها طاحت

احبك كثر .. ما ادمح خطاك ان خانك التعبير
كثر .. ماخانت الرفقه بكتم اسرارها وباحت

احبك كثر .. صقارٍ تولع في محبة طير
كثر .. مادلة الطيّب بريحة هيلها فاحت

احبك كثر .. ماحس بشعور اني عليك اغير
كثر .. مازيح هالغيره عن افكاري ولا انزاحت

احبك كثر .. مالك داخلي حب وغلا وتقدير
كثر .. ماغبت عن عيني ودموع امفارقك ساحت

تصدق !! من عرفتك صرت احبك .. واكره التغيير
وانا اللي كنت اعشق كل نجمه بالسما لاحت

تأكد كل ماتسئل عن حوالي اكون بخير
مدامك سائلٍ عني اكيد ان ضيقتي راحت

،
قصيدة اضحك حبيبي
راسك علامك رافعه يوم احاكيك
الضاهر اني فوق حجمك عطيتك

لحظه .. نبي نرجع دقيقه لماضيك
بذكرك في أي حاله لقيتك

كان الضياع ودمعتينك تخاويك
منهار وفي عز انهيارك خذيتك

وارخصت عمري لجل احبك واداريك
هدمت قصر الذل فيك وبنيتك

كان الغلا شمعه تنور لياليك
لو اظلمت دنياك جيت وضويتك

يالاسف كنت امدحك وافتخر فيك
رفعت من شانك وعليت صيتك

كنت انت .. عندي غير مقدر اخليك
اموت واحيا ان قلت سم وفديتك

واليوم اشوفك خنت حتى مباديك
صغرت في عيني وانا اللي هويتك

الضيف لو انه عدوٍ معاديك
غصبٍ عليك تقدره وسط بيتك

ياصاحبي بتموت ماني براجيك
واشره علي انكان حتى طريتك

لاصار ذل النفس في قلب يغليك
يقطعك ياقلب ٍ هواك وشريتك

اضحك حبيبي دام وقتك مسليك
بكره تموت من القهر لا نسيتك

،
قصيدة سافر
سافر واخذ قلبي معك وين مارحت
اخذه معك في غيبتك وش ابيبه .؟؟
يمكن معك يرتاح لاشافك ارتحت
يمكن يجيبك لي ولا تجيبه
اما انا لا رحت معذور لا طحت
ياكبرها فرقا حبيب لحبيبه
من فوق تقلب غيبتك دنيتي تحت
عندي غيابك هم واكبر مصيبه
غلاك شوفه داخلي منحت نحت
قطعت قلبي كل مطريت غيبه
مليون ضيقه ان جيت عن خاطري زحت
ارجع فديت اليل يوم تحكي به
لله ادعي كل مامسيت واصبحت
اجعل نصيبي واجمعه مع نصيبه
شفني قبل لاتروح من ضيقتي بحت
واهديت لك غالي بحشمه وطيبه
قلبي يبيك اخذه معك وين مارحت
لكن امانه لا رخصته تجيبه

،
قصيدة محتاج لك حيل
محتاج لك حيل والله يقطع الحاجه
حدتني وجيت اداري دمعة عيوني

باين علي التعب والضيق وانتاجه
منهار لوني متغيّر ماهو بلوني

لقيتك .. اللي يصد معقد حجاجه
وانت اقرب الناس والغالي ومضنوني

لكن على الله بديه الضيق وافراجه
والا انت الله معك خابت بك ضنوني

بلاش منك ومن موقفك واحراجه
رح واتبع اللي خذوا مني وخلوني

من صد عني ترى مانيب محتاجه
من دونه اعيش دامه عاش من دوني

وان قدر الله مع الايام نتواجه
تمر مثلك مثل ناسن يمروني

في عيوني تصير ماتسوا ولا حاجه
من عقب ماكنت تسوا الناس في عيوني

،
قصيدة ليلة فراق
الليله هذي واضحه ليلةافراق
حاولت اعديها وعيّت تعدي

اظروف ماتنطاق ولا راح تنطاق
صد القدر ماهو بصدك وصدي

تعال اخذني بين اياديك مشتاق
قبل انتفارق حط يدك بيدي

بجلس معك ساعه حبايب وعشاق
من بعدها كيفك ولو صرت ضدي

فيني خليط اشواق باشواق باشواق
واصل معك من كثرت الشوق حدي

ودي ألمك واحضنك حضنت عناق
ياشيب عيني كل ماقلت ودي

في خاطري ‍.. وش خاطري ؟ خاطري ضاق
الكون كله ضاق ماهو بقدي

حتى الدموع اللي استحت كبر واخلاق
تساقطت من فوق خدك وخدي

لوحة شعر تبكي على بيض الاوراق
بيّحت فيها من ردى الحظ سدي

ليلة جفا وافراق مامثله افراق
حاولت اعديهاوعيّت تعدي






[/align]
[/cell][/tabletext][/align]

__________________
رسمتگ حلم‏ غير متواجد حالياً   رد مع اقتباس
قديم 07 / 05 / 2011, 21 : 05 AM   #6
الطيـّر
عضو سوبر
 
الصورة الرمزية الطيـّر
 
تاريخ التسجيل: 04 / 12 / 2009
الدولة: منتديات روح البوادي
المشاركات: 21,288
معدل تقييم المستوى: 4601
الطيـّر has a reputation beyond reputeالطيـّر has a reputation beyond reputeالطيـّر has a reputation beyond reputeالطيـّر has a reputation beyond reputeالطيـّر has a reputation beyond reputeالطيـّر has a reputation beyond reputeالطيـّر has a reputation beyond reputeالطيـّر has a reputation beyond reputeالطيـّر has a reputation beyond reputeالطيـّر has a reputation beyond reputeالطيـّر has a reputation beyond repute
افتراضي

صح لسان شاعرها
وتسلم يدينك رسمتك حلم ع الانتقاء المميز
ودي وتقديري لكــ
__________________
مُسِنٌ عقلي ، ولاجئٌ عاطفي هو مخزون ذاتي ..
أصقل حرفي بتجارب الحياة ، وبين يديها محصول سنابلي ؛
الطيـّر غير متواجد حالياً   رد مع اقتباس
قديم 09 / 05 / 2011, 48 : 12 AM   #7
تنآتيف الغـلآ
عضو محترف
 
الصورة الرمزية تنآتيف الغـلآ
 
تاريخ التسجيل: 18 / 12 / 2010
المشاركات: 2,555
معدل تقييم المستوى: 860
تنآتيف الغـلآ has a reputation beyond reputeتنآتيف الغـلآ has a reputation beyond reputeتنآتيف الغـلآ has a reputation beyond reputeتنآتيف الغـلآ has a reputation beyond reputeتنآتيف الغـلآ has a reputation beyond reputeتنآتيف الغـلآ has a reputation beyond reputeتنآتيف الغـلآ has a reputation beyond reputeتنآتيف الغـلآ has a reputation beyond reputeتنآتيف الغـلآ has a reputation beyond reputeتنآتيف الغـلآ has a reputation beyond reputeتنآتيف الغـلآ has a reputation beyond repute
افتراضي

صصح لسســآإنك ثآمر الدقبآسي

تسسلم يمينك رسمتك حلم , ,
كفيــتي وو فيــتٍ ـي , ,
__________________
-
دوَر بـصٍــدري وَطـــنّ واسـَـتعٍـمَـرهًـ
عــــنــــدك مـــــــــن الـــضـــلـــع الأول لـــلأخـــيـــر ..!


تنآتيف الغـلآ غير متواجد حالياً   رد مع اقتباس
قديم 12 / 05 / 2011, 13 : 11 AM   #8
رسمتگ حلم‏

ღღ مراقبة الأقسام ღღ

 
الصورة الرمزية رسمتگ حلم‏
 
تاريخ التسجيل: 22 / 03 / 2010
الدولة: بعالم أحلامي
المشاركات: 5,057
معدل تقييم المستوى: 883
رسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond reputeرسمتگ حلم‏ has a reputation beyond repute
افتراضي

المشاركة الأصلية كتبت بواسطة القسّام

صح لسان شاعرها
وتسلم يدينك رسمتك حلم ع الانتقاء المميز
ودي وتقديري لكــ


الله يسلمك
منور الموضوع بوجودك
__________________
رسمتگ حلم‏ غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صدور أول ديوان لصاحب قصة شطر البيت المشهور(خمسة عشر فنجال لحنيف صبيت ) الطيـّر الساحه العامه 11 05 / 03 / 2011 29 : 08 PM
شريط قصائد: حورنيات الخامس بروابط مباشره كلي عنا القصائد الصوتيه والشيلآت ۉ الأناشيد الإسلاميه 5 22 / 02 / 2010 49 : 12 PM
•° مقتطفات°• من قصائد الطير والمقناص الطيـّر روح السياحه والسفر 2 20 / 02 / 2010 48 : 07 PM


الساعة الآن 19 : 02 PM بتوقيت مكه المكرمه


Powered by vBulletin® Copyright ©2000 - 2014, Jelsoft Enterprises Ltd. Designed & TranZ By Almuhajir

... جميع الحقوق محفوظه لمنتديات روح البوادي...

.. جميع المواضيع و الردود تعبر عن رأي صاحبها ولا تعبر عن رأي إدارة منتديات روح البوادي بــتــاتــاً ..